O subministro do aluguer de 7 furgonetas, cun seguro a todo risco cunha franquicia de 600€, para o programa de reparto de comida a domicilio

Adxudicación do contrato de subministro do aluguer de 7 furgonetas para o programa de reparto de comida a domicilio desenvolvido polo servizo de Benestar Social, á empresa VIGORENT A CAR S.L. con CIF B36811297, aplicando a tramitación de emerxencia ao abeiro do artigo 120 da LCSP, coas seguintes características: ◦ O obxecto do contrato é o o subministro do aluguer de 7 furgonetas tipo Renault Kangoo ou similar de 2 prazas + carga, cun seguro a todo risco cunha franquicia de 600€, para o programa de reparto de comida a domicilio desenvolvido polo servizo de Benestar Social. ◦ O prezo é de 169,40 euros/día (IVE engadido). ◦ O gasto imputarase á aplicación orzamentaria 310.2279909 (Outras actividades grupos desfavorecidos) e a súa bolsa de vinculación do vixente orzamento, que dispón de crédito suficiente. ◦ O prazo de execución do contrato é o período que dure o estado de alarma decretado polo Real Decreto 463/2020 e as súas sucesivas prórrogas. ◦ O responsable do contrato será o xefe da Área de Benestar Social ◦ Forma de pagamento: O prezo correspondente ao subministro aboaráselle ó contratista previa a presentación da correspondente factura. ◦ Non se fixa prazo de garantía dadas as características das prestacións obxecto do presente contrato cuxos efectos se esgotan no momento da finalización do mesmo”.