a Xunta de Goberno Local, en sesión extraordinaria celebrada o día 9 de novembro de
2018, adoptou entre outros o seguinte acordo:
“5º.- Adxudicación do contrato de Cuberta e reformas interiores en patio do CEIP Sada y sus Contornos.-
Visto o expediente tramitado en virtude do acordo desta Xunta de Goberno de data 14-9-2018 para
contratación por procedemento aberto simplificado da obra de "Cuberta e reformas interiores en patio do CEIP
Sada e os Seus Contornos”, cun orzamento de licitación de 99.089,25.- euros.-
Celebrada licitación o día 23-10-18, a Mesa de contratación fai proposta de adxudicación a favor da empresa
Ingeniería y Construcciones Melcor S.L., por ser a oferta máis vantaxosa.-
Vista a documentación presentada pola empresa acreditando estar ao corrente nas súas obrigas tributarias e
coa Seguridade Social, así como a presentación da garantía definitiva mediante aval da entidade Bankia co
número 2018/018.343 por importe de 3.141,37.- euros.-
Logo de ter informado a Intervención para a súa fiscalización, adóptase por unanimidade o seguinte acordo:
1º.- Declarar válida a licitación por procedemento aberto simplificado da obra de "Cuberta e reformas interiores en patio do CEIP Sada e os Seus Contornos”.-
2º.- Excluír as empresas Construcciones D. Ogando S.L. e Denuevo Punto Creativo S.L. por non achegar o compromiso de adscrición de medios persoais e materiais conforme ao Anexo III do Prego de cláusulas administrativas particulares que rexe a licitación.-
3º.- Adxudicar o contrato da obra antedita ao licitador Ingeniería y Construcciones Melcor S.L., titular do CIF B70240593, no prezo total de setenta e seis mil vinte e un euros e tres céntimos (Prezo: 62.827.30 €, IVE:
13.193,73 € Total: 76.021,03 €), por ser o licitador coa oferta máis vantaxosa.-
4º.- Dispoñer o gasto con cargo a aplicación 3230.62200 do vixente Presuposto municipal.-
5º.- Notificar este acordo ao adxudicatario e requirilo para que concorra a formalizar o contrato en documento administrativo na data e hora que estableza a Alcaldía, dentro do prazo que establece o artigo 153.3,
parágrafo 3º, da Lei de Contratos do Sector Público.-
6º.- Notificar aos restantes licitadores e publicar esta adxudicación mediante anuncio no Perfil de contratante, conforme ao disposto no artigo 151 da Lei de Contratos do Sector Público, e publicar no mesmo medio a formalización do contrato, conforme ao artigo 154.1 de dita lei.-
7º.- Designar como técnico director das obras e coordinador de seguridade e saúde ao Arquitecto Municipal D. Andrés Varela Parafita.-
8º.- Formalizado o contrato, o contratista deberá presentar o programa de traballo, o plan de xestión de residuos e o plan de seguridade e saúde da obra, axustado ao estudo de seguridade e saúde do proxecto, para a súa aprobación pola Alcaldía, previo informe da coordinadora de seguridade e saúde, e a súa posterior comunicación á autoridade laboral, tras o cal procederase á comprobación do trazado de planta e inicio da obra”.-