Mantenimiento zonas ajardinadas

A Xunta de Goberno Local, na sesión do 06/11/2018, acordou aproba-lo expediente de licitación para a adxudicación do contrato de servizos “SERVIZO DE MANTEMENTO DE ZONAS AXARDINADAS E OUTRAS DO CONCELLO DE BOIRO” cun orzamento total de 798.901,44 €, IVE incluido (valor estimado (4 anos) = 660.249,12 € + 138.652,32 € (IVE) = 798.901,44 €), nos termos do prego de cláusulas administrativas e prescricións técnicas, aprobando tamén a licitación do contrato por procedemento aberto. Na sesión da Xunta de Goberno Local do 19/02/2019 realizouse a clasificación das ofertas presentadas, asignando as puntuacións propostas pola Mesa de Contratación, e requirindo á empresa JARDINERÍA ARCE SL, con CIF B15547979, como titular da oferta mellora valorada, para que no prazo de 10 días hábiles presentara a través da sede electrónica do concello a documentación prevista no apartado 12 do PCA. Consta que a empresa presentou a citada documentación o 01/03/2019. Consta tamén no expediente o informe de fiscalización favorable da Intervención municipal do 09/03/2019. Visto o disposto no artigo 21 da Lei 7/1985 de 2 de abril en relación coa Disposición Adicional 2ª da Lei 9/2017 de 8 de novembro, de contratos do sector público (Resolución da Alcaldía de delegación de atribucións na Xunta de Goberno Local do 15/06/2015 – BOP núm. 140, do 27/07/2015) a Xunta de Goberno Local, en votación ordinaria e por unanimidade ACORDA: Primeiro.- Adxudicar o contrato de servizos denominado “SERVIZO DE MANTEMENTO DE ZONAS AXARDINADAS E OUTRAS DO CONCELLO DE BOIRO” á empresa JARDINERÍA ARCE SL, con CIF: B15547979, polo prezo anual de cento setenta e cinco mil cincuenta e tres euros con cincuenta e sete céntimos (175.053,57 €), IVE incluido, cunha duración de contrato de dous anos prorrogables por outros dous, e coas seguintes melloras contidas na oferta do adxudicatario: - Equipo de reforzo. - Plantación de ata 3.000 unidades de flor. - Incremento en 20.000 metros cadrados das zonas verdes a manter. - Mantemento de mobiliario urbano. - Subministración e plantación de ata 100 unidades de árbores. Segundo.- Requirir á empresa JARDINERÍA ARCE SL, para que proceda á formalización do contrato no prazo de 15 días hábiles dende a recepción da notificación, apercibíndolle que en caso de non formalizarse esixiráselle o importe do 3% do orzamento base de licitación (IVE excluido) en concepto de penalidade, adxudicándose o contrato ao seguinte licitador nos termos do artigo 153.4 LCSP. Terceiro.- Designar como responsable da execución deste contrato ó coordinador xeral de obras e servizos do concello. Cuarto.- Publicar a adxudicación no perfil do contratante nun prazo de 15 días naturais dende a formalización. Quinto.- Notificar este acordo aos interesados.

per ser un procediment negociat