Renovación do pavimento das pistas de atletismo

Visto o expediente de contratación tramitado para a adxudicación do contrato administrativo de obra “Renovación do pavimento das pistas de atletismo”. Visto que a Xunta de Goberno Local en sesión ordinaria celebrada o día 05.02.2018 acordou excluír da licitación á mercantil SESTRAMA-09 e requirir ao seguinte licitador clasificado LIMONTA SPORT IBÉRICA S.L. con CIF nº. B-80951510 para a presentación da documentación necesaria para a adxudicación do contrato. Visto que esta empresa achegou en tempo e forma (entrada n.º 2018-E-RC-1755 do día 15.02.2018) a documentación requirida relativa ao xustificante de estar ao corrente coas súas obrigas tributarias (estatal e autonómica) e coa Seguridade Social, xustificante do pago dos gastos do anuncio de licitación (136,40 €), e que así mesmo constituíu garantía definitiva por importe de 3.754,74 € mediante aval de entidade financeira.