Nova capa de rodadura en varios viais municipais do Concello de Cangas

Visto o expediente de contratación tramitado para a adxudicación do contrato administrativo de obra “Nova capa de rodadura en vías municipais do Concello de Cangas”. Visto que iniciada a licitación e previa convocatoria, a Mesa de Contratación como órgano competente para a valoración das ofertas, realizou proposta de adxudicación a favor da mercantil MOVIMIENTO DE ÁRIDOS Y CONSTRUCCIONES DE AROSA S.L. (MARCONSA) con NIF n.º B36533537 por resultar esta a oferta economicamente máis vantaxosa das achegadas. Visto que esta empresa achegou en tempo e forma (entrada n.º 13688 do día 21.11.2017) a documentación requirida relativa á Declaración Responsable de vixencia e non variación na inscrición no Rexistro Xeral de Contratistas da Comunidade Autónoma de Galicia, xustificante do pago do anuncio de licitación (68,20 €), e que así mesmo constituíu garantía definitiva por importe de 5.018,20 € mediante aval de entidade financeira.