Contratación de orquestas para las fiestas del Cristo de 2017

Visto o expediente de contratación tramitado para a adxudicación do servizo de contratación de orquestras para as Festas do Cristo 2017. Visto que iniciada a licitación e previa convocatoria, a Mesa de Contratación como órgano competente para a valoración das ofertas, realizou proposta de adxudicación a favor da mercantil GALICIA ESPECTÁCULO DE NEGREIRA S.L. con NIF n.º B70350426 por resultar esta a oferta economicamente máis vantaxosa das achegadas. Por todo o que antecede, en uso das atribucións que a lexislación vixente me confire, propoño á Xunta de Goberno Local a adopción do seguinte, Visto que esta empresa achegou en tempo e forma (recibo entrada n.º 2017-E-RC-7206 do día 19.06.2017) a documentación relativa á xustificación de estar ao corrente no cumprimento das súas obrigas tributarias e coa Seguridade Social, acreditación da solvencia financeira e técnica, e que así mesmo constituíu garantía definitiva por importe de 1.239,67 € mediante transferencia bancaria. ACORDO Primeiro.- Adxudicar á empresa GALICIA ESPECTÁCULO DE NEGREIRA S.L. con NIF n.º B70350426 e domicilio social no Polígono Industrial de Covas nº 14, Planta 1, Porta Esquerda, de Negreira (CP 15830) o contrato de servizo de contratación das orquestras para as Festas do Cristo 2017 por importe total de 30.000 € IVE incluído. Segundo.- A duración deste contrato esténdese dende a formalización do mesmo ata o remate das Festas 2017, previsiblemente o día 2.09.2017. Terceiro.- Dispoñer o gasto con cargo á aplicación 338.22699 do vixente orzamento municipal. Cuarto.- Notificar a GALICIA ESPECTÁCULO DE NEGREIRA S.L. a adxudicación do contrato e citar á súa representante para a sinatura do mesmo. Quinto.- Nomear responsable do contrato ao empregado municipal Estanislao Graña García a quen lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. Sexto.- Notificar a adxudicación do contrato aos licitadores que non resultaron adxudicatarios nos termos previstos no artigo 151.4 do TRLCSP. Sétimo.- Comunicar os datos básicos do contrato ao Rexistro de Contratos do Sector Público, de conformidade co disposto no artigo 333.3 do TRLCSP Oitavo.- Dar traslado deste acordo aos departamentos municipais de Intervención e Apoio Xurídico así como ao responsable do contrato