Servicio de ayuda en el hogar

Visto o expediente de contratación tramitado para a adxudicación do Servizo de Axuda no Fogar (SAF) do Concello de Cangas. Visto que iniciada a licitación e previa convocatoria, a mesa de contratación, como órgano competente para a valoración das ofertas, realizou proposta de adxudicación a favor da mercantil "IDADES SL", con NIF nº B36577542, por resultar esta a oferta economicamente a mais vantaxosa das achegadas. Visto que esta empresa achegou en tempo e forma (entrada nº 9015 do día 31.07.2017) a documentación relativa á declaración responsable de vixencia e non variación na inscrición no Rexistro xeral de contratistas de Galicia, xustificante de pagos dos anuncios de licitación e que así mesmo, constituíu garantía definitiva por importe de setenta e catro mil oitocentos oitenta e dous euros con corenta e cinco céntimos (74.882,45 €) en forma aval bancario. Visto que a periodicidade do Pleno Municipal, actuando como órgano de contratación legalmente establecido para a realización deste contrato, impide a súa convocatoria nas vindeiras datas e as razóns de interese xeral e social motivan a inmediata adxudicación do servizo.