Prestación dos servizos de telecomunicacións relacionados coa voz (fixa e móbil), os datos móbiles e as liñas de datos para o acceso a internet dos centros dependentes do Concello de Cangas

Visto o expediente de contratación tramitado para a adxudicación do servizo de telecomunicacións do Concello de Cangas Visto que iniciada a licitación e previa convocatoria, a Mesa de Contratación como órgano competente para a valoración das ofertas, realizou proposta de adxudicación a favor da mercantil VODAFONE ESPAÑA S.A.U. con NIF n.º A80907397 por resultar esta a oferta economicamente máis vantaxosa das achegadas. Visto que esta empresa achegou en tempo e forma (entrada n.º 17955 do día 20.12.2016) a documentación relativa á xustificación de estar ao corrente no cumprimento das súas obrigas tributarias e coa Seguridade Social, acreditación da solvencia financeira e técnica, e que así mesmo constituíu garantía definitiva por importe de 6.196,40 € en forma aval bancario. Por todo o que antecede, en uso das atribucións que a lexislación vixente me confire, propoño á Xunta de Goberno Local a adopción do seguinte, ACORDO Primeiro.- Adxudicar á empresa VODAFONE ESPAÑA S.A.U. con NIF n.º A80907397 o contrato de servizo de telecomunicacións por importe anual de 37.488,22 € IVE incluído. Segundo.- A duración deste contrato é de 4 anos, dende o 1.01.2017 ata o 31.12.2020 independentemente da data de formalización do mesmo.