Pavimentación e mellora de servizos no Barrio de Outeiro – Casco Vello

Visto o expediente de contratación tramitado para a adxudicación do contrato de obra “Pavimentacións e mellora de servizos no Barrio de Outeiro – Casco Vello” . Visto que iniciada a licitación e previa convocatoria, a Mesa de Contratación como órgano competente para a valoración das ofertas, realizou proposta de adxudicación a favor da mercantil NEXIA INFRAESTRUCTURAS S.L.U. con NIF n.º B27802503 por resultar esta a oferta economicamente máis vantaxosa das achegadas. Visto que esta empresa achegou en tempo e forma a documentación que se lle requiriu (entrada n.º 15469 do día 15.11.2016) relativa á xustificación de estar ao corrente no cumprimento das súas obrigas tributarias e coa Seguridade Social e que así mesmo, constituíu garantía definitiva por importe de 5.435,57 € en forma aval bancario. Por todo o que antecede, en uso das atribucións que a lexislación vixente me confire, propoño á Xunta de Goberno Local a adopción do seguinte, ACORDO Primeiro.- Adxudicar á empresa NEXIA INFRAESTRUCTURAS S.L.U. con NIF n.º B27802503 o contrato de obra “Pavimentación e mellora de servizos no Barrio de Outeiro – Casco Vello” por importe de 131.540,77 € (21% de IVE incluído) coas seguintes especificacións da súa oferta: • Melloras ofertadas: o 35 ud. Farola luminaria + brazo o 118 m² de solado P. Granito 5 cm c/xunta o 30 ud. Banco bolardo de pedra granallada o 110 ml pasamanos tubo D=40 mm o 11 Xardineiras de pedra artificial 80x80x50 cm • Prazo de execución: 30 días • Ampliación do prazo de garantía: 48 meses a maiores dos 12 que recolle o proxecto, polo que esta obra terá un prazo total de garantía de 60 meses. Segundo.- Dispoñer o gasto con cargo á aplicación 1532.639 do vixente orzamento municipal. Terceiro.- Notificar a NEXIA INFRAESTRUCTURAS S.L.U. a adxudicación do contrato e citar ao seu representante para a sinatura do mesmo. Cuarto.- Nomear á arquitecta municipal dona María Isabel Medraño Fariña directora facultativa da obra e coordinadora de seguridade e saúde. Quinto.- Notificar, nos termos previstos no artigo 151.4 do TRLCSP a adxudicación aos licitadores que non resultaron adxudicatarios. Sexto.- Comunicar os datos básicos do contrato ao Rexistro de Contratos do Sector Público, de conformidade co disposto no artigo 333.3 do TRLCSP. Sétimo.- Dar traslado deste acordo aos departamentos municipais de Intervención e Apoio Xurídico así como á directora de obra.