Reparación e acondicionamento de varios camiños de titularidade municipal, Ponte Bouzós, así como traballos de contención e recollida de pluviais en Ourelo-Darbo

Visto o expediente de contratación tramitado para a adxudicación do contrato de obra “Preparación e acondicionamento de camiños de titularidade municipal, Ponte Bouzós e contención e recollida de pluviais en Ourelo - Darbo” . Visto que iniciada a licitación e previa convocatoria, a Mesa de Contratación como órgano competente para a valoración das ofertas, realizou proposta de adxudicación a favor da mercantil NEXIA INFRAESTRUCTURAS S.L.U. con NIF n.º B27802503 por resultar esta a oferta economicamente máis vantaxosa das achegadas. Visto que esta empresa achegou en tempo e forma a documentación que se lle requiriu (entrada n.º 15470 do día 15.11.2016) relativa á xustificación de estar ao corrente no cumprimento das súas obrigas tributarias e coa Seguridade Social e que así mesmo, constituíu garantía definitiva por importe de 4.086,49 € en forma aval bancario. Por todo o que antecede, en uso das atribucións que a lexislación vixente me confire, propoño á Xunta de Goberno Local a adopción do seguinte, ACORDO Primeiro.- Adxudicar á empresa NEXIA INFRAESTRUCTURAS S.L.U. con NIF n.º B27802503 o contrato de obra “Preparación e acondicionamento de camiños de titularidade municipal, Ponte Bouzós e contención e recollida de pluviais en Ourelo - Darbo” por importe de 98.893,09 € (21% de IVE incluído) e un prazo de execución de 6 meses. Segundo.- Dispoñer o gasto con cargo ás aplicacións 1532.639, 450.609 e 450.639 do vixente orzamento municipal. Terceiro.- Notificar a NEXIA INFRAESTRUCTURAS S.L.U. a adxudicación do contrato e citar ao seu representante para a sinatura do mesmo. Cuarto.- Nomear á arquitecta técnica municipal dona Carmen Gomez Cancela directora facultativa da obra e coordinadora de seguridade e saúde. Quinto.- Notificar, nos termos previstos no artigo 151.4 do TRLCSP a adxudicación aos licitadores que non resultaron adxudicatarios. Sexto.- Comunicar os datos básicos do contrato ao Rexistro de Contratos do Sector Público, de conformidade co disposto no artigo 333.3 do TRLCSP. Sétimo.- Dar traslado deste acordo aos departamentos municipais de Intervención e Apoio Xurídico así como á directora de obra.