Concesión demanial de espazo público destinado á actividade de explotacón de dúas gasolineiras

PRIMEIRO: Adxudicar o contrato de CONCESIÓN DEMANIAL DE ESPAZO PÚBLICO DESTINADO Á ACTIVIDADE DE EXPLOTACIÓN DE DÚAS GASOLINEIRAS. LOTE 1: GASOLINEIRA ESTRADA DE MONDARIZ e LOTE 2: GASOLINEIRA ESTRADA DE AS NEVES, nas condicións que figuran na súa oferta e as que se detallan nos pregos de cláusulas económicas-administrativas, a ENERGIA Y SERVICIOS PARA EL BIENESTAR Y LA MOVILIDAD VILALTA CORPORACIÓN S.A, por un importe de canon de 4,50 céntimos de euro en cada un dos lotes. SEGUNDO: Publicar anuncio de adxudicación na plataforma de contratación e no taboleiro de anuncios municipal. TERCEIRO: Notificar a ENERGIA Y SERVICIOS PARA EL BIENESTAR Y LA MOVILIDAD VILALTA CORPORACIÓN S.A a presente resolución e citalo para a firma do contrato que terá lugar dentro do prazo de quince días hábiles seguintes á data de recepción da notificación de adxudicación. Non se poderá formalizar o contrato mentres non se aboe o canon correspondente que se indica deseguido: De conformidade coa cláusula 3ª prego de cláusulas que rexeu na licitación, a adxudicataria e para cada LOTE, dentro do prazo de 15 días hábiles seguintes á Notificación da Adxudicación Definitiva, aboará o importe correspondente a 2 anualidades da concesión de conformidade co canon ofertado (céntimos por litro) multiplicado por catro millóns de litros (a media anual de litros vendidos nos últimos anos por gasolineira é de dous millóns). Este canon a pagar será regularizado, tanto á alza como á baixa, en función dos litros realmente vendidos pola concesionaria, unha vez que transcorra cada un dos anos. A regularización farase a través de ingreso ao Concello no caso de que os litros anuais vendidos superen os dous millóns ou a través de compensación no caso de que os litros vendidos non superen os dous millóns. A compensación suporá que no seguinte canon anual que teña que pagar o concesionario, a cantidade a abonar será inferior na contía equivalente pagada en exceso. CUARTO: Notificar a adxudicación aos licitadores que non resultaron adxudicatarios. QUINTO: Publicar anuncio de formalización dos contratos no Perfil do contratante no prazo non superior a quince días trala perfección do contrato e do contido contemplado no anexo III da Lei 9/2017 de 8 de novembro, de Contratos do Sector Público. SEXTO: Comunicar ó Rexistro de Contratos do Sector Público os datos básicos dos contratos incluíndo a identidade do adxudicatario, os importes de adxudicación, xunto co desglose correspondente do Imposto sobre o Valor Engadido. SÉTIMO: Dar traslado desta Resolución aos departamentos de Intervención e Tesourería.