RESOLUCIÓN DE ALCALDÍA
Visto que con data 26 de xaneiro de 2022 aprobouse iniciar o procedemento de licitación e adxudicación da obra “PISTA DE PAZOS A VILARIÑO” cun orzamento que ascende a 62.992,14 euros mediante procedemento aberto simplificado a través dos pregos tipo de condicións administrativas da Deputación Provincial de A Coruña.
Visto que durante o prazo de presentación de ofertas, foron presentadas no perfil do contratante do Concello que está aloxado na Plataforma de Contratación do Estado ofertas económicas que corresponden as seguintes empresas:
1.- EULOGIO VIÑAL OBRAS Y CONSTRUCCIONES S.A.
2.- EXCAVACIONES SANTIÑOS S.L.
3.- CONSTRUCCIONES J. MAURI E HIJOS, S.L.
4.- EXPLOTACIONES GALLEGAS S.L.
Vista a acta da Mesa de Contratación de data 10 de marzo onde se abriron os sobres B ( documentación administrativa e ofertas técnicas ) e posteriormente quedou suspendida ata o día 24 de marzo, debido a que a emisión do informe técnico de valoración do comité de expertos para valorar os criterios que dependen dun xuizo de valor tivo rexistro de entrada no concello o día 14 de marzo;
Visto que en data 24 de marzo se reanudou a Mesa de Contratación e se procedeu, en primeiro lugar, á valoración dos criterios que dependen dun xuízo de valor atendendo ó informe técnico de valoración emitido polo Comité de Expertos;
Visto que a continuación e tamén en data 24 de marzo os membros da Mesa de Contratación ( coa finalidade de facer cumprir o establecido na Lei de Contratos de que o sobre C de criterios automáticos se debe abrir e valorar con posterioridade á valoración dos criterios que dependen dun xuizo de valor ) estableceron as puntuacións dos criterios cuantificables de maneira automática,
( ... )
Visto que o adxudicatario proposto pola Mesa presentou en tempo ( o día 26 de abril con rexistro de entrada número 73/999/2022 ) e forma a documentación requerida o día 19 de abril ( con rexistro de saída 46/999/2022 ) que é a referida no artigo 16.1 do prego tipo de cláusulas administrativas particulares da Deputación Provincial de A Coruña, incluído o aval por importe do 10% do valor do contrato ( 5% garantía definitiva e 5% garantía complementaria por presentar oferta anormalmente baixa ), por importe global de 7.059,40 euros;
Á vista das ofertas presentadas e de todo o anterior e, de conformidade co establecido na disposición adicional segunda da Lei 9/2017, de 8 de novembro, de contratos do Sector Público, en relación co 21.1. da Lei 7/1985, de 2 de abril, Reguladora das Bases de Réxime Local, RESOLVO:
PRIMEIRO. Adxudicar ó contratista EXCAVACIONES SANTIÑOS S.L. a obra “PISTA DE PAZOS A VILARIÑO” por un importe de 46.166,00 euros de execución material e 9.694,86 euros de IVE, dando o total de 55.860,86 euros, cunha baixa de 7.131,28 euros, é dicir, cun 11,32% de baixa sobre o prezo de licitación do contrato.
SEGUNDO. Notificar a adxudicación ó contratista e o resto de licitadores os efectos oportunos.
TERCEIRO.- Dar conta do presente decreto na vindeira sesión ordinaria de Pleno.
En Toques, o asina o Sr. Presidente, D. José Ángel Penas García, ante o Sr. Secretario na data que figura á marxe;