Prestación do servizo de asistencia técnico educativa para o desenvolvemento do programa "ENREDOS DE VERÁN 2016"

Visto o expediente de contratación tramitado para a adxudicación do contrato de servizo de asistencia técnico educativa para o desenvolvemento do programa Enredos de Verán 2016. Visto que a empresa Xestión Cultural Áurea S.L. achegou en tempo e forma (rexistro entrada n.º 8931 do día 7.07.2016) a documentación que se lle fora requirida como paso previo á adxudicación do contrato. Tendo en conta que a competencia para a adxudicación deste contrato está delegada na Xunta de Goberno Local e que a próxima sesión que esta celebrará é o vindeiro día 11.07.2016 ás 20:00 horas e que a prestación do servizo contratado debe iniciarse ese mesmo día, cómpre avogar a competencia para adxudicar este contrato e garantir o desenvolvemento das actividades que engloban o programa. Por todo o que antecede, en uso das atribucións que a lexislación vixente me confire, ACORDO Primeiro.- Avogar a competencia que en materia de contratación teño delegada na Xunta de Goberno Local mediante Decreto de data 2.07.2015, aos únicos efectos de adxudicar este contrato. Segundo.- Adxudicar á empresa XESTIÓN CULTURAL ÁUREA S.L., S.L. con CIF n.º B36394203 e domicilio social e fiscal na rúa Luis Rocafort nº 47, 1º-D, de Sanxenxo (C.P. 36960) o contrato de “Servizo de asistencia técnico educativa para o desenvolvemento do programa Enredos de Verán 2016 ”, que deberá executar conforme as esixencias establecidas nos pregos administrativo e técnico que rexen esta contratación, así como ás condicións descritas no proxecto técnico presentado e polo prezo ofertado que é o seguinte:  Prezo do servizo por usuario e día: o Prezo neto:…….5,40 euros o IVE:…………......0,54 euros o Importe total:…..5,94 euros Terceiro.- Dispoñer con cargo á aplicación orzamentaria 334.22609 o gasto que para este Concello representa a devandita contratación. Cuarto.- Notificar a XESTIÓN CULTURAL ÁUREA S.L. a adxudicación do contrato e citar á súa representante dona Ainhoa Fervenza Celestino para a sinatura do mesmo. Quinto.- Nomear responsables deste contrato aos técnicos municipais Estanislao Graña García (Director do CMBS) e Mercedes Lorenzo Núñez (Técnico da Oficina Municipal de Xuventude), a quen lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. Sexto.- Notificar a todos os licitadores este acordo e dar traslado do mesmo aos departamentos municipais de Intervención e Apoio Xurídico así como aos responsables do contrato. Sétimo.- Comunicar os datos básicos do contrato ao Rexistro de Contratos do Sector Público, de conformidade co disposto no artigo 333.3 do Texto Refundido da LCSP, aprobado polo Real Decreto Lexislativo 3/2011, do 14 de novembro.